Forrige veke var dette eit av fleire kunstverk som var stilt ut av kunststudentar i vrimlehallen på Universitetet i Agder. Ved første augekast ser det ut som eit hinduistisk alter eller noko, men ved nærare ettersyn består alteret av alle moglege slags greier. Til høgre er det eit skilt med "Forbrukar-sangen" på. Og i bøtta til venstre står det "Offergaver", med diverse skrot oppi. (Hugsar diverre ikkje kunstnaren)Av alle kunstverka på utstillinga var det dette som gjorde mest inntrykk på meg. Vi lever i eit samfunn som strever etter å verte verdinøytralt, religionstolerant og forbrukartilpassa. Midt i alt maset med sekularisering greier jammen samfunnet å lage seg enda ein religion, basert på forbrukarane, overskudd og pengejag.
Eg synes kunstverket gjev eit interessant perspektiv på kulturen vår: Sjølv om vi likar det eller ikkje, har pengar og det å skaffe seg all slags ting stor plass i hjertene våre. Nesten som om det var ein gud, eller fleire.
Vi treng pengar for å leve. Vi må jobbe for å få tak i pengar. Lar vi det styre livene våre i for stor grad?
Tankjevekkjande.
Og utruleg utfordrande å våge å ta stilling til.
Kva konsekvensar skulle det ha fått?
1 kommentar:
Wow.. Du har rett! Det å skaffe oss ting har ALT for stor plass i hjertene våre! Nesten skummelt å tenke på! Og tror man må være veldig sterk for å klare å ta helt avstand fra det når man lever i vårt samfunn.. Bra innlegg!!
Legg inn en kommentar