Etiopisk avis nedlagt

På studieturen til Afrika vitja vi mellom anna den etiopiske avisen Addis Neger. Sjå innlegg lenger nede på bloggen med bilde av redaktøren Mesfin Negash.

No har avisa sett seg nøydd til å legge ned driften, ifølgje avisa si eigen nettside. Grunnleggarane og redaktørane har rømt landet for å omgå eventuell straffeforfølging etter tiltalar som er reist mot dei. Avisa har over lengre tid slete med fiendtleg innstilling frå etiopiske myndigheiter, og ein svært innskrenka pressefridom har gjeve lite spelerom til å drive ei uavhengig avis.

Dette er svært trist, særleg sidan det snart er val i Etiopia og landet treng ei, så vidt eg forstår, intelligent og uavhengig, avis som kan stille kritiske spørsmål.

Då er det jul igjen

Har sete i heile dag med refleksjonsoppgåve om media i Kenya og Etiopia, og har deadline i kveld. Skal bli deilig å nyte jula... Har og rukke å kjøpe og pynte juletreet i dag, og som dykk ser er det hakket ujamnt, men jaja. Det var blant dei betre som var att. Treet er fullt av julekuler og pynt vi laga då var små, og det er veldig kosleg.

Lurte på kva juletreet eigentleg har med jula å gjere... I følgje wikipedia:
"Det symboliserte livets tre i paradisets hage. I følge den bibelske fortelling i 1. Mos 3 ble adgangen til livets tre stengt pga. Adams fall, og mennesket ble vist ut av paradisets hage. Men gjennom frelserens fødsel, som den kristne jul feires som, er adgangen på nytt åpnet til livets tre."

"Hvorfor juletreet har blitt symbol på livets tre, er noe uklart. Men man antar at dette har skjedd gjennom framføring av de middelalderske mysteriespillene om Adams fall...
Siden livets tre forekommer i disse mysteriespillene, har noen sett symbolikken mellom Adams fall som stenger adgangen til livets tre og Kristi fødsel som åpner den. "

Hmm. Good to know, etter 22 år som kristen...
No er eg veldig klar for ferie med familie og venner, skjønt eg saknar Zanzibar litt...

Zanzibar life

Då er eg vel heime i Noreg for lengst.
Det er godt og kaldt og, som alle veit, masse snø! Rart å kome frå 35 varmegradar til under frysepunktet, særskild der eg bur. Ytterst sjeldan vi får snø i juletider.

Jaffal, øverst er bassenget på hotellet på Zanzibar. Nice eller? Når det var høgvatn i sjøen (det indiske hav, by the way!), var det ofte så varmt at det ikkje var veldig behageleg. Men bassenget var alltid deilig. Under er restauranten/baren/oppholdsrom, men sofaer i andre etasje. Det var eit hyggeleg hotell, men litt sært når kelnarane drakk og dansa med gjestane om kveldene... Kosleg for så vidt, men tvilsom stad å dra når du får ungar ;)
Når ein skulle ha mat, måtte ein rekne med å måtte vente ti afrikanske minutt, eller 40-60 norske. Så vi vente oss til å bestille minst ein time i forvegen, til eit bestemt tidspunkt.

Ein del god mat, men førsteinntrykket av ein smaklaus pizza sit lenge i. Og ein kveld bestilte eg wrap med mango og kylling, fekk først med avocado og biff, så med kun mango :) Jaja. Den var god anyway.
Ein ettermiddag dro vi til byen Stone Town på vestkysten. Vi fekk bare tid til ein times omvisning før vi måtte rekkje middag og solnedgang. Litt kjipt med så lite tid, men sånn blei det no. Fin og by med mange smug, så vi hadde med eit par guidar så vi ikkje skulle gå oss vekk.Her er nokre muslimske innbyggarar samla på ein open plass. Zanzibar er for det meste muslimsk, og menn med slike hodeplagg kunne observerast overalt.
Dagen etter dro vi på delfinsvømming med snorklar tidleg om morgonen. Det var fantastisk å sjå desse nydelege vesena svømme rett under seg! Kan du sjå finnene over vatnflata?Hotellet vårt ligg i landsbyen Jambiani på austkysten, og ein dag gjekk vi ein tur og såg på bylivet. Barna var veldig interesserte i å bli fotograferte.. Skjønne!

Endeleg litt livsnyting...

Då har eg komen meg tilbake frå safari og heilt til Zanzibar! Det er ei øy aust for Tanzania, som øya er i union eller noke med.

På første safaritur i Maasai Mara såg eg ein haug med løver med ungar, sebraer, gnuer, bøfler, sjiraffer og andre ting. Det var heilt fantastisk å oppleve dyra i sitt rette element, og ikkje bare bak eit gjerde. Dessverre kasta eg opp på turen, avdi eg vart veldig kvalm av all humpinga.

Vi hadde køyrd heile dagen frå Kisumu, ein 5-6 timars tur med lite mat, før vi heiv i oss ein rask lunsj og dro ut på safari (game drive) nummar ein. Magen min kom i sterk ubalanse av ufatteleg dårlege vegar dei ca siste 100km, og forblei slik den neste natta. Alt i systemet kom opp, og lite ville bli der. Fekk etterkvart medisinar av lege på lodgen, og blei gradvis betre.

Eg fekk kje med meg fleire game drives (av totalt fire), men fekk sjå ein skokk med elefantar på veg til flystripa då eg skulle tilbake til Nairobi på søndag. Og det var oppmuntrande etter eit par kjipe dagar på luksushotell i bushen eg ikkje fekk nyte så veldig. Ja, tok fly tilbake. Orka ikkje 8 timar i humpete buss tilbake. Det tok meg ei halv veke å fylle magen att, og då spelte rå gulrot ei sentral rolle.

Søndag, tirsdag og onsdag blei brukt tilbake på SMCC på å slappe av og kome seg att. Dei andre tok utflukter til shoppingsentre og ekskursjon til Camerapix, ein kameraproduksjonsbedrift. Godt å slappe av litt.

Helste på norsk unge som gjekk på TeFT, Tent For å Tjene, ein bibelskule i regi av NLM. Kosleg. Fekk og med meg nokre episodar av Blåfjell og Olsenbanden jr som dei og misjonærbarna såg på om kvelden :) Litt julestemning må til...

Siste kvelden var det avslutningsmiddag med tradisjonell kenyansk mat, i lag med tidlegare nemnte Joe Kadhi og den norske kona hans. Det vart eit par talar og utdeling av sertifikatar som bevis på vår deltaking på kurset. wow :)
Har verkeleg lært mykje om afrikansk og særleg kenyansk politikk og medieverd dei siste vekene. Unik oppleving!

Deretter drog vi altså vår kos til Zanzibar for å slappe av ei veke, men utan lærarar, så vi må greie oss sjølv. Vi kom hit til Coral Rock Hotel i landsbyen Jambiani på austkysten i går, og har brukt tida så langt på å bade, sole oss, partye og ligge pal i vamen. Luftfuktigheten her ved kysten er (bombe:) veldig høg i forhold til nairobi og addis abeba, så ein er konstant litt klam. Det gjer for så vidt ingen ting på stranda, og er bare deilig.

Det er fantastisk å bare ta livet heilt med ro no, og i dag kjente eg at det var veldig godt å vere her. Maten er litt variabel i smakskvalitet, men det fins nesten ingen mygg her, og det er fantastisk. Dei har visstnok spraya heile øya for å sleppe unna myggsvermene! Det er dog ein del maur i alle lengder og fargar og eit eller anna som bit meg på anklane om nettene, men det går fint. No gler vi oss til snorkling og svømming med delfiner på mandag! Det blir vel ein tur hovudstaden Stone Town og, for shopping og sightseeing. Snakes!

Paa nett i bushen

Heisann, no sit eg paa ARC-senteret som er over ein time med bil utanfor byen Kisumu i vestlige Kenya. Vi kom i gaar og her er i dag for aa sjaa kva dei driv med her: alt fraa klinikk til opplaering i data. Senteret er politisk og religioest uavhengig og drivast av kenyanarar. Maalet er redusere fattigdom og bidra til positive endringer i lokalsamfunnet. Dei driv med mikrofinans og faar stroemforsyning fraa solcellepaneler donert av norske bedrifter.
Veldig bra!Ellers har eg det bra, saknar familien og Noreg, dog ikkje klimaet... Det er sommer og sol her, og det kan jeg godt lige. Her i vest-Kenya er det litt varmare og klammare luft enn i Nairobi, og varmare skal det forhaapentlegvis verte paa Zanzibar.

Eg har sluppe sjukdom av noke slag saa langt, men har nett kome inn i malariaomraade, saa eg tygg Malarone kvar dag, som ein adventskalendar ;) Vonar eg slepp unna den sjukdomen og. Magen har klart seg veldig bra, men saa gaar eg jo og paa idoform, og et ikkje salatblad eller noke skummel mat. Maten vi har faatt saa langt har vore god og trygg, saerleg paa SMCC.

Saa lurte eg paa kor mange som egentleg foelgjer med paa denne bloggen? Hyggjeleg om du legg att ein kommentar, saa eg veit eg ikkje bare skriv for min eigen del... Har ikkje noko tellesystem her skjonar du.

Noko de lesarar lurar paa om turen, Kenya osv? Fyr laus :) Eg har nok ikkje fortalt halvparten...
Karibu!

Snart på safari!

Hei og hå. Då er aller siste dag med forelesingar overstått, og godt er det! Somme kenyanske forelesarar har ein tendens til å vere uengasjerande, ha powerpointer med all for mykje tekst og vanskelege ord, samt snakke afrikanske engelsk som ikkje akkurat er så veldig lett å skjøne.
Når dagane i tillegg er lange med bare to pausar frå kl 9 til 16, vert vi godt trøytte undervegs.

Helga gjekk med til besøk i Mathareslummen, Elephant Orphanage (over), bading, film og feiring av Kamilla sin bursdag med tilhøyrande dansing :)

Vi var forberedt på å møte eit forferdeleg syn i slummen, men det var liksom ikkje så gale som vi hadde trudd. Folk budde i skur av plankar, plastikk og bølgeblikk, tråkka rundt i drit, jord og boss, og hadde fint lite å leve for.
Men vi møtte bare smilande barn og godt kledde vaksne. Ingen vanskapte eller lemlesta tiggarar, slik vi møtte i hovudgata i Addis Abeba, Etiopia. Lukta vart heller aldri særleg galen der vi gjekk gjennom slummen, guida av folk frå Mathare Youth Sports Association.
Det gjekk litt fort, så vi fekk ikkje tatt innover oss alle inntrykka.

Vi vitja og bygningane til MYSA. Det er dei som sender fotballag til Norway Cup. Arbeidet dei driv er ufatteleg viktig for å skape håp og framtid for barna i slummen. Han eine fortalde at få i slummen har jobb, så difor dopar dei seg, for å sleppe å ta kvardagen innover seg. Og slik forblir det. Men organisasjonar som MYSA kan hjelpe unge til å ta ansvar for seg sjølv og miljøet rundt seg, og gjere det til ein betre stad. Vi i turgruppa bidro med to stipender slik at to barn får gå på skule det komande året.

I morgon brukar vi dagen på å køyre vestover i Kenya til ARC, eit prosjekt i Kisumu eller kva det heitte. Aner kje heilt kva dei driv med, men det er noko foregangsarbeid innen jordbruk trur eg. ARC er drive frå Kristiansand.

På torsdag drar vi vidare til Maasai Mara, der vi skal bu i stilige "telt" og dra på safari :)

Har forresten IKKJE dekning på mobilen, så ikkje prøv å få tak i meg før 17. november, då er eg tilbake i Bergen. Eg har kjøpt lokalt simkort til naudsfall, og om du absolutt vil ha det nummeret, kan du sende ein mail ;)

No må eg pakke til safarituren, samt sjå Løvenes Konge...

Artig veke i Nairobi

Onsdag var vi på vitjing i dei nye lokala til den uavhengige kenyanske avisa The Standard. Den er visstnok den største avisa i østafrika eller jaffal det største mediehuset, med både avis, nettavis og tv-stasjonen KTN. Vi var første gruppe som var på besøk i dei nye lokala litt utanfor byen, og tv-lokalene var ikkje på plass, men vi fekk omvisning i trykkjeriet deira. Det var digert! Første gong eg har vore inne i eit trykkeri, så eg har intet samanlikningsgrunnlag, men dei andre meinte det var større enn dei i Norge. Ikkje så rart, når Kenya har ein del fleire millionar innbyggjarar enn oss... Her er f.h. ansvarleg redaktør i dagsutgåva av The Standard Kipkoech A. Tanui, og Joe Kadhi, ein helt innan kenyansk journalistikk, som har laga forelesningsopplegget for oss. Han er med på dei fleste timane og bidreg med spørsmål, kunnskap og historiar frå hans glanstid.

Den tidlegare redaktøren av avisa The Daily Nation i tjue år er stolt over at han blei sparka frå stillinga si for å ha publisert ei historie som presidenten nekta han å setje på trykk. Ytrings- og trykkjefridom, samt etisk medvit er mellom fanesakene hans. Stor respekt for den mannen! Tanui er faktisk ein av hans tidlegare studentar.

Etterpå dro me på shopping i byen. Eg, Lisa og Candida (f.v. over) var innom eit "afrikansk marked" som nokon kalla det (som om me ikkje allereie er i Afrika...), der eg ville kjøpe nokre tresmykker. Dei var veldig ivrige etter å selje meg 6 stykker for 9000 kenyanske shilling (dvs ca kr 700). Det gjekk eg sjølvsagt ikkje med på. Det var truleg bare verdt max 1200 shilling til saman.
Eg haldt fast på det og prøvde å gå, men dei sperra utgongen for meg. Det vart veldig intens diskusjon med argument som "don't kill us" og "you are killing us with this price". Til slutt var vi nøydd til å gå pga turbussen venta på oss, men dei nekta å la oss gå. Endte opp på 1500 skilling, og det var greit for eg hadde jo lyst på smykka.

På kvelden vitja eg ein norsk misjonærfamilie som også bur på SMCC-området: Turid og Janesh Amenya med to gutar. Turid er frå same kommunen som meg, og eg har kjent dei sidan eg var liten, så det var artig å helse på.

Torsdag var det første undervisningsdag her vi bur på SMCC /Den norske skulen. Deilig å sleppe å stå opp så grytidleg for å køyre til hi sida av byen... Eg har dessverre blitt forkjøla og ekkel i kroppen, men det går vel over etterkvart.

Etter skulen fekk eg bada litt i bassenget på området. Det var første bading på Afrikaturen for min del. På kvelden skulle vi ut heile gjengen og ete på ein stad som heiter Carnivore (=kjøtetar), der dei serverte kjøtet direkte frå grillspyda på fatet ditt.
Vi fekk kalkun, lam, biff, svin, struts (?) og krokodille! Krokodillen var faktisk god. Min bit smakte litt stram kylling. I anledning måltidet fann Mailinn og Iselin ut at dei skulle flate håret mitt, noko som bare har skjedd ytterst sjeldan i mitt liv. Helene styla, og resultatet er her:

Ikkje gale, tykkjer eg :)
Fredag var det vanleg undervisning. Eg skippa halvparten, og vitja i staden ein islandsk misjonærfamilie. Den yngste sonen hadde nemleg kameleonar, som han fann i buskane rundt om på SMCC-området. Kjekt!

Undervisast av kenyanske lærarar

Då er undervisningsveka i gong. Vi stod opp før kl 6 for å rekke å vere på United States International University kl 9! Der skulle vi ha forelesning to dagar på rad. Det ligg nemleg på andre sida av Nairobi enn der vi bur, og trafikken er ein smule kaotisk. Vi kom fram litt over 8, så vi tok morgenkaffe på Safari Park Hotel, som ligg lite over gata ift USIU. Eg valde kakao, men den eg fekk må vere den kakaoen med minst sjokolade i i heile verda. Det var bare varm melk med litt krem og to dryss med sjokolade på toppen. Skuff!

Forelesningane var veldig interessante og gjekk rett på konflikten rundt presidentvalet i 2007 og etter lunsj; på den nye grunnlova som er på høring hjå befolkinga. Meget interessant, men dei siste timane etter lunsj (skule frå 9-16!) var vi ganske trøytte, og holdt på å sovne heile gjengen. Vonar vi er meir utkvilt i morgon...

Sjiraffkyssing og kortskriving

Då er helga snart over. I dag gjekk nokre få av oss til nærmaste pinsemenighet for å delta på den første 1,5 timen av den tredje gudstenesta på dagen, kl 11.00. Eg forventa skikkeleg afrikansk songglede, men vart ein smule skuffa då det aldri tok heilt av. Ellers var det som i ein karismatisk menighet i Norge, jaffal etter mi erfaring; mykje song, engasjement, informasjon og folk. Vi gjekk faktisk før talen begynte, etter 1,5 time. Men det var godt å vere der.

Seinare på dagen dro vi til Giraff Centre der vi fekk kyssa ein sjiraff heile gjengen. Kjekt med litt nærkontakt, men guri kor vått og slimete...
Etterpå dro vi på shoppingssenter der eg kjøpte postkort, som eg skal sende avgarde så snart eg får tid...

Då er denne veka snart over, og i morgon startar vi med undervisning, som varar til og med tirsdag om to veker. Vi fekk detaljert program i kveld, og det ser veldig lovande ut, med forelesarar frå toppsjiktet i kenyansk samfunnsliv, og høgaktuelle tema. Dei skal greie ut om årsakane til og etterdønningane etter opprøret rundt presidentvalet i 2007, samt forklare forslaget til den nye konstitusjonen. Forslaget blei offentleggjort i media denne veka. I tillegg får vi ei innføring i medie-Kenya.

Etter all undervisninga skal vi vitje ARC i vest-Kenya. Anar ikkje heilt kva det er, men det er vel nokon slags hjelpearbeid. Deretter skal vi på safari i Maasai Mara, før vi dreg vår kos ei veke på Zanzibar. Gler meg!

Pruting i Nairobi

Salama! Då har eg komt til Nairobi, dvs eg kom på fredag, men har ikkje fått komt meg så mykje på nett. No sit eg på macen til romvenninna mi Candy. (Takk skal du ha :) )
Lørdagen har vi brukt på å summe oss litt etter Etiopia, og shoppa på Masai Markedet inni Nairobi. Eg brukte over 7000 kenyanske shilling = ca 700 NOK på div suvenirer og gåver... Trur nok eg var hakket dårleg på prutinga i begynnelsen. Eg gjekk med Lisa (blå bukse) som fekk ting for halve prisen av det eg gjorde!
Før shoppinga åt vi lunsj på Stanley Hotel, der vi og fekk moglegheiten til å henge opp ei helsing til nett kven vi ville :)

Vi bur på den norske skolen eller Scripture Mission Conference Centre rett utanfor Nairobi sentrum. Møtte i kveld Ingjerd, ei eg gjekk i 1.klasse journalistikk med! Det var kjekt å sjå ho att, og artig å oppretthalde tradisjonen med å møte bekjente i utlandet (jf blogginnlegg frå Thailandturen då eg møtte vgsfolk)

I morgon skal eg bli med på gudsteneste i ein pinsemenighet borti høgget her. Dei har visst rundt 4000 medlemmar, så det blir nok ei musikalsk og kulturell oppleving!

Men no til fleire glimt frå Etiopia: Vi budde på dette hotellet: RAS Hotel, like i hovudgata i Addis Abeba. Det var 2-stjerners, med shabby rom der det krøp smådyr på veggene. Men det gjekk greit. Fekk prøve det eldgamle og ustemte flygelet i lunsjrestauranten medan hotellmanageren høyrte på. Han var skikkeleg stolt, men det var ikkje mogleg å spele på det for det var for falskt.. Særs i høgre halvdel.

Meg og Lisa på eit område kalt Piazza, der ein kunne få kjøpt gull. Her er me utanfor EMWA (Exchange Media Women Association) som trener opp og bevisstgjer kvinnelege journalistar.Siste kvelden var vi på tradisjonell etiopisk aften med dans og mat. Her et eg injera (=lefsa) med wott (ulike kjøttyper/salater) som du putter oppi injeraen. Eg tykte det var veldig godt. Eg har nemleg smakt det før, i eit etiopisk bryllup eg var gjest i i Bergen for nokre år sidan. Retten fekk derimot ulik mottaking av dei andre i reisegruppa.
Den etiopiske dansen var veldig spesiell, med fokus på heftige skulderbevegingar og ekstremt god kontroll på alle slags musklar. Ein minneverdig aften!

Følg ellers gjerne med på bloggen til min kjære roomie for tida.

Foerste moete med Afrika - Ethiopia

Heisann, daa har eg endeleg kome meg paa nett. Det er treigt nett her, saa eg faar ta bilda seinare. Og no klikker det heilt her, saa faar noye meg med aa seie at eg har det flott her i addis abeba. masse inntrykk og artige folk. veldig rart aa faktisk vere her! og veldig interessante mediefolk vi moter rundt om.
no nett var vi i ein privateigd avis og motte ein av redaktorane (over) som fleire gongar har blitt tiltalt og fengsla pga han har skreve om og kritisert saker som regjeringa ikkje likar aa faa publisitet paa. sterkt aa mote folk som faktisk lever med ein risiko for aa bli arrestert for aa bedrive undersokande journalistikk.. eg som nordmann har jo veldig liten risk for det heime...

skriv meir seinare. kjem til nairobi fredag kveld og skal bli der ei stund.
luv ya all !

Drar til Afrika i natt...

... og kjenner at reisenervene eller kva det heite begynnar å ta på. Er enno ikkje ferdig med å pakke kofferten og har heller ikkje heilt bestemt meg for kva koffert eg skal bruke, men det går seg vel til.

Sa god jul og godt nyttår til venner i menigheten i går kveld, sidan eg ikkje kjem tilbake til Kristiansand på nesten 2 månader. Det har ikkje gått opp for meg enno at eg skal avgarde. Det er veldig rart. Er litt sliten allereie, så vonar eg greier å sove litt på flyet nedover for å bli klar til å møte ei heilt anna røynd og kultur.

Gler meg til utfordrande og spanande dagar med mykje innhald! Vonar som sagt å oppdatera her når eg får det til.

I mellomtida kan du kose deg med bildet under, frå ein Jernia-annonse. Kva i alle dagar er dette?

Færdi med praksis! / TV-sending 2/ Afrika next!

Her er den andre TV-sendinga eg var nyheitsanker på.

Del 1

Del 2

Sjå ellers på same lenkane for å sjå TV-sendingane for veka etterpå, då eg var vaktsjef.

Då er eg ferdig med fem vekers intern praksis. Herleg! No er det Afrika neste :) Eg reiser på studietur med journalistikkstudiet natt til tirsdag 17. november, til Addis Abeba i Etiopia for å vere der tre dagar. Deretter skal vi tre veker til Kenya og til slutt ei veke på Zanzibar :)

Følg gjerne med her i løpet av reisa, men grunna lite tilgang på pcar med breiband (kanskje éin) er det uvisst kor mykje eg får oppdatert...

Difor vil eg anbefale å sjekke ut facebookgruppa Vi som følger gjengen i Afrika 09.

Vonar den blir meir oppdatert.

Gler meg! No har eg hamstra diverse apotekvarer, kjøpt reisehandbok og laga pakkeliste. Dette blir bra :)

Eg e' på tv!

Eller web-tv, då.
Sjekk ut TV-sendinga vår frå i dag, 4. november. Min debut som tv-programleiar!

Del 1

Del 2

Sjå dessutan nettsak med web-tv: Smakstesting på Oasen skole

Overnattingstur til Songvaar fyr

Då er eg på tur med Krik til denne nydelege staden utanfor Søgne. Veret er fantastisk og vi slapper av så godt vi kan. Morfar jobba som fyrmeister i 48 år, og naturen er ganske lik den heime,så det er kosleg for meg:) Tenk å jobbe på ein så aude stad som dette! Bra gjort. Men så fekk morfar og kongens fortentsmedalje i sølv...

Eg får Bart i studio :)

Foto: Helge Hansen

Hei og hå :)

I morgon får eg bergensbandet Bart i studio på Sørnett webradio. Dei er på jakt etter gode innspelingstoalett (!) til sitt nye album. Sending kl 14-15. Kom og hør!

Programleiar på Sørnett Radio

Eg skal vere programleiar onsdag til fredag denne veka for kulturmagasinet Menyen.
Det er frå kl 14-15 på www.sornett.no. Klikk på den raude logoen med Sørnett Radio for å lytte.

Kom elles gjerne med tips!

Høres :)

Sjå nettsaker på Sørnett

Dei tre siste dagane har vi hatt konvergenskurs på journalistikklinja. Det vil seie at vi på radio og tv bytar med avis/nettavis. Vi har skreve saker til Sørnett, skulens nettavis.

Sak 1: Regjeringens nye løfter

Sak 2: Kurser fagfolk i Nettby

Neste veke begynnar fem vekers intern praksis på tv, radio og nettavis. Eg vil oppdatere med når eg har radiosendingar her på bloggen, så følg med :) Det leggast og litt ut på Sørnett etterkvart.

Kom gjerne med kommentarar og tilbakemeldingar på sak, form og innhold.

Fårikålkoking for koneemner

For eit par helgar sida feira me fårikålens dag (eit par dagar på etterskudd) i kollektivet. Her lagar eg og Janne skikkeleg nordkvinnekost til 6 personar.
Som Janne seier; -Vi er de beste koneemnene ever!!

Fårikål er lett å lage, men dyrt å kjøpe, så dette var nok ei eingongshending i haust.

Lady Krykke

Då er eksamen i samfunskunnskap for journalistar vel overstått, og godt er det. No ventar veker med intern praksis.

I går gjekk vi ein tur der eg prøvde meg på longboardet til sambuar Janne. Det er ein type rullebrett. Det såg så kult ut at det måtte eg prøve. I begynnelsen gjekk det veldig bra, men på eit tidsspunkt mista eg balansen, datt og vrei ankelen. Å, inni granskauen så vondt det gjorde! Janne var snill og henta sykkelen min så eg kom meg heim, og heldigvis hadde vi eit par krykker liggande frå nokon i huset forstua tåa i vår. Dei humpa eg rundt på i dag då eg tok eksamen.

Foten var fin i går, heilt til eg skulle legge meg, då var den blitt hoven og blå, så eg iste den ned litt. I dag var eg på legevakta. Intet brudd, det visste eg forsåvidt, men fekk beskjed om å halda foten høgt oppe og bruke krykker nokre dagar. Wehey.. Heldigvis er dette ein skade som går fortare over enn andre ting. Kan ikkje anna enn å slappe av då :)

Eg skal til Afrika!

Jadda, 17. november ber det avgarde på studietur til Afrika. Der skal eg opphalde meg ein månad, så det vert spanande. Først tre veker med intens undervisning og safari, litt i Etiopia og resten i Kenya, og så ei veke avslapning på Zanzibar. Nice eller? Gler meg veldig!

Glimt frå studiestart

Hei, alle kjære lesarar :)

Då er eg komen godt i gong med 2. år på journalistikk og altså 3. år i bachelorgraden. Her er nokre bilete frå august. Øverst: Konsert med Datarock på Studiestartfestivalen på UiA. Artig å ha opplevd den gruppa og. Hadde visst nett sluppe eit album og var på veg ut av landet på turné.

I år som i fjor joinar eg KRIK Aftersvett, sosiale greier etter treninga på fredagar (som eg ikkje går på, eg trener heller styrke for meg sjølv pga div.. ) Her har altså to kjekke karar kost seg grådig med å knyte saman alle skorne til ein ball.

Eg bur på same plassen som i fjor, med to av dei same jentene og ei ny. Her frå ein tur med to av dei i nabolaget, der vi fann dette sjarmerande gamle barnehageleikeapparatet :) Vanvittig artig! Eg og Åshild tråkkar, Hanna filmar.

Ellers har eg gleda meg lenge til å oppleva ein fotballkamp på Sør Arena, og venta til Brann kom for å sloss mot Start. Eg hang meg på ein gjeng med Brannfans og hadde det artig. Ein kar på raden foran likte ikkje å høyre Startsangen...
Eg og Line G hadde det artig. Det gjekk som det måtte gå, Brann vann over Start 1-0 :) Veldig greit. Førre gong eg var på kamp var som russ på 16. mai 2006 og då vann Brann og :) God statistikk på det.

Seierskommentaren

Lureri på Ica Maxi

Då eg skulle handle på Ica Maxi i dag var det avertert med eit stort tikronersmarked. Eg endte opp med ei korg full av stæsj eg strengt tatt ikkje hadde planlagt å kjøpe, men "det er jo så billeg"... Gleda var stor då eg fann tilbudet over: fårepølse til bare 10 kroner pakka! Det plar kosta oppi 40 kroner, så eg tenkte at dette var eit retteleg godt tilbud. 

Men då eg skulle ta eit eksemplar, var pakka vanvittig lettvektig samanlikna med vanleg tyngde... Også i ostedisken fann eg eit tilsvarande døme med lav pris og lite innhald. 

Dei har rett og slett fått med enkelte av  leverandørane på ein "lavpriskampanje" der dei lurar folk til å tru at dei får meir for pengane. 

Sleipt! 

Og endeleg kom sola...

Då, etter månader med ventning på det regnvåte Sørlandet, kom endeleg sola forrige veke for å brune min bleike kropp. Over frå rekreasjon på bystranda. Under frå formiddagsbad i Baneheia. Nydeleg og lett tilgjengelg turområde. I love! Det er heilt fantastisk å gå uti og kjøle seg ned i vatnet, det gjev ei herleg velvære-kjensle, særskild etter veker med jobbing og stress. Men no er jobben ferdig! Jadda! Ei veke til studiestart, og den skal nyatst. Vonar veret held seg der det skal... 

Nilsen og co rocka i Ravnedalen

Denne helga var eg på mi største oppleving denne sommaren, utanom ferie og turar: Ravnerock i Ravnedalen, Kristiansand. Eg hadde gleda meg lenge og vel, og fann heldigvis nokon å gå i lag med. Miriam på bildet over og Anne Jorunn på bilde nr. 3. Kjempekjekt! Fredagen fekk vi med oss det kraftfulle jentebandet Katzenjammer og det kommersielle, men dog så fengande showet til Lind, Nilsen, Fuentes og Holm. Det var vanvittig kjekt! Vi stod rett foran scenen og koste oss. Fine låtar, masse folk og opphaldsver gav ei god stemning eg vil hugse lenge.


Det var alt frå meir rocka sangar til balladene deira, og sjølvsagt kom Halleluja-covringa heilt til slutt, då vi nesten begynte å lure på om dei hadde gløymt å ta den med. Det hadde vore litt krise... Ikkje at versjonen er så fantastisk, men fordi det er heile greia med den gjengen, for min del. Ellers tykkjer eg Nilsen var best, som alltid. Vakker røyst! Eg og Anne Jorunn nyt :)

Lørdagen blei eg og Anne Jorunn nærast buande i Ravnedalen frå Thom Hell spelte i 16-tida. Vi fann ein benk og rigga oss med liggjeunderlag, klede, niste, bollar og kjeks. Etter Hell, som er
hel(l)ten til Anne Jorunn, kom Vidar Johnsen og Peter Nordberg. Dei var litt skuff, egentlig. Så små og slaskete kledd... Jaja.

Deretter var det Christiansand String Swing Ensemble sin tur til å setje fart i publikum. Og det var saker. Eg likte stilen og showinga deira. Vokalisten dansa og tok heilt av. Kjekk gjeng! Dei skal visst spele inn album til sitt eige tiårsjubileum og halda konsert i oktober. Få den med deg :)

Så kom det eg egentleg var på Ravnerock for: Marit Larsen.
Ho var søt og sjarmerande, som alltid, og bare lo forsiktig då ein lett berusa mann kom med fornærmande replikkar. Hitane og låter eg ikkje har fått med meg før kom på rekke og rad utan å engasjere kroppen noko meir enn lett gynging. Til samanlikning med Nilsen og co var det ikkje så dansbart, med mindre ein har ein kjærast å henge på, men kosleg var det jo.

Til slutt kom Morten Abel og The September When, over ein time forsinka. Vi gad berre høyre eit par sangar før vi måtte tusle oss i køy for å møte jobbmorgondagen. Eg var interessert i å sjå Morten Abel på scena fordi eg, som nevnt i eit blogginnlegg i fjor, møtte han på filminnspeling av Yohan. Då spanderte han tyggis på meg og greier... wehey.

Gler meg til fleire konsertar til hausten! Neste er studiestartfestivalen på UiA med Datarock og Postgirobygget. Blir nice.